Travel Insurance

ခရီးသွားအာမခံ


သင်၏ ခရီးစဉ်တစ်လျှောက် မမျှော်မှန်းနိုင်သည့် ဆုံးရှုံးမှုဘေးအန္တရာယ်များမှ ကာကွယ်ပေးနိုင်ရန်နှင့် သင်၏မိသားစု ဘဝနောင်ရေးစိတ်အေးစေရန် ပြည်တွင်း/ပြည်ပခရီးသွားအာမခံ ထားရှိကြပါရန် တိုက်တွန်းအပ်ပါသည်။ ခရီးစဉ်များအား လေယာဉ်၊ ရေယာဉ်၊ ကိုယ်ပိုင်ယာဉ် (သို့မဟုတ်) စင်းလုံးငှားယာဉ်၊ အများပြည်သူသုံးယာဉ်လိုင်းများဖြင့် စီးနင်းလိုက်ပါသည့် ခရီးသည်များ အသက်အရွယ် ကန့်သတ်ချက်မရှိ ဝယ်ယူရရှိနိုင်ပြီ ဖြစ်ပါသည်။ အာမခံထားရှိနိုင်သော ခရီးအမျိုးအစားများမှာ-

(၁) ပြည်တွင်းခရီးစဉ်များ ခရီးသွားအာမခံ
(၂) ပြည်ပခရီးစဉ်များ ခရီးသွားအာမခံ
(၃) မိုင်(၁၀၀)အောက် ခရီးသွားအာမခံ
(၄) မိုင်(၁၀၀)အထက် ခရီးသွားအာမခံ


ဤအာမခံ၏ အကြောင်းအရာအချက်အလက်များ


ပြည်တွင်းပြည်ပခရီးစဉ်များ ခရီးသွားအာမခံ - အာမခံထားရှိသူရရှိမည့် အကျိုးခံစားခွင့်


  • ခရီးစဉ်ကြာမြင့်ချိန်      ရက်သတ္တပတ်(၁)ပတ်အတွက် (၁)ယူနစ်လျှင် ကျပ်(၂၀၀ိ/-)ပေးချေရုံဖြင့် အာမခံတန်ဖိုး ကျပ်(၅)သိန်း ဝယ်ယူရရှိနိုင်ပါသည်။      (အနည်းဆုံး(၁)ယူနစ်မှ အများဆုံး(၂၀)ယူနစ်အထိ ဝယ်ယူရရှိနိုင်ပါသည်။)
  • ခရီးစဉ်အတွင်း      မတော်တဆမှုကြောင့် ထိခိုက်ဒဏ်ရာရရှိခြင်း၊ မစွမ်းမသန်ဖြစ်ခြင်းတို့အတွက်      ဆရာဝန်ထောက်ခံချက် အပေါ်အခြေခံ၍ သတ်မှတ်နှုန်းထားများအတိုင်း ပေးလျော်မည်။
  • ရရှိသည့်ဒဏ်ရာကြောင့်      ဆေးရုံတက်၍ ဆေးဝါးကုသခြင်းခံယူရပါက (၁)ပတ် တစ်ယူနစ်အတွက် ကျပ်(၄,၀၀၀)နှုန်းဖြင့်      ရက်သတ္တပတ်(၅၂)ပတ်အထိ ခံစားခွင့်ရရှိပါမည်။


မိုင်(၁၀၀)အောက် ခရီးသွားအာမခံ - အာမခံထားရှိသူရရှိမည့် အကျိုးခံစားခွင့်


  • ပရီမီယံကျပ်(၁၀၀/-)ပေးသွင်းရုံဖြင့်      မတော်တဆမှုဖြစ်ပွားလျှင် အများဆုံး ကျပ်(၂၀)သိန်း ခံစားခွင့် ရှိပါသည်။
  • ခရီးစဉ်အတွင်း      မတော်တဆမှုကြောင့် ထိခိုက်ဒဏ်ရာရရှိခြင်း၊ မစွမ်းမသန်ဖြစ်ခြင်းတို့အတွက်      ဆရာဝန်ထောက်ခံချက် အပေါ်အခြေခံ၍ သတ်မှတ်နှုန်းထားများအတိုင်း ပေးလျော်မည်။
  • ရရှိသည့်ဒဏ်ရာကြောင့်      ဆေးရုံတက်၍ ဆေးဝါးကုသခြင်းခံယူရပါက (၁)ပတ် တစ်ယူနစ်အတွက် ကျပ်(၃,၂၀၀)နှုန်းဖြင့်      ရက်သတ္တပတ်(၅၂)ပတ်အထိ ခံစားခွင့်ရရှိပါမည်။ (ပြည်တွင်း/ပြည်ပ      ခရီးစဉ်များနှင့် မိုင်(၁၀၀)အောက်ခရီးသွားအာမခံအားလုံးတွင် ဆေးရုံတက်၍      ဆေးဝါးကုသမှုခံယူပြီး ဖြစ်သော်လည်း အလုပ်လုပ်ကိုင်ရာတွင် ယင်းဒဏ်ရာကြောင့် အပြည့်အဝလုပ်ကိုင်နိုင်ခြင်းမရှိပါက      ယင်းသို့ အပြည့်အဝလုပ်ကိုင်နိုင်ခြင်း မရှိသည့်ကာလအတွက် သတ်မှတ်ထားသည့်      တစ်ယူနစ်နှုန်းထားများအတိုင်း ဆေးရုံတက်၍ ဆေးဝါးကုသမှုခံယူရသည့်      ကာလအပါအဝင် ရက်သတ္တပတ်(၅၂)ပတ်အထိ ခံစားခွင့်ရရှိပါမည်။)


မိုင်(၁၀၀)အထက် အထူးခရီးသွားအာမခံ - အာမခံထားရှိသူရရှိမည့် အကျိုးခံစားခွင့်


  • အာမခံထားငွေ(၁)ယူနစ်      ကျပ်(၃၀)သိန်း ရရှိမည်ဖြစ်ပါသည်။ အနည်းဆုံး(၁)ယူနစ်မှ အများဆုံး (၂)ယူနစ်အထိ      ဝယ်ယူရရှိနိုင်ပါသည်။
  • ထိခိုက်ဒဏ်ရာရရှိပါက      အချိုးကျနှုန်းထားများအတိုင်းရရှိမည်ဖြစ်ပြီး အမြင့်ဆုံး ကျပ်၂၄သိန်းအထိ      ရရှိနိုင်မည် ဖြစ်ပါသည်။


အာမခံသက်တမ်း


ပြည်တွင်းပြည်ပခရီးစဉ်များ ခရီးသွားအာမခံ - အာမခံသက်တမ်း


  • ပြည်တွင်း -      အနည်းဆုံး(၁)ရက်မှ အများဆုံး(၃)လအထိ
  • ပြည်ပ -      အနည်းဆုံး(၁)ပတ်မှ အများဆုံး(၃)လအထိ


မိုင်(၁၀၀)အောက် ခရီးသွားအာမခံ - အာမခံသက်တမ်း


  • ခရီးစဉ်အစ (ဂိတ်အစ)      မှ အဆုံးအထိ (ခရီးစဉ်တစ်ခေါက်)

မိုင်(၁၀၀)အထက် အထူးခရီးသွားအာမခံ - အာမခံသက်တမ်း


  • ခရီးစဉ်အစ (ဂိတ်အစ)      မှ အဆုံးအထိ (ခရီးစဉ်တစ်ခေါက်)


မည်သို့လျှော်ကြေးတောင်းခံရမည်နည်း


· လူကြီးမင်း အနေဖြင့် ကျွန်ပ်တို့ထံသို့ ချက်ချင်းအကြောင်းကြား ပေးရန်သာရှိပါမည်။ သို့မှသာ IKBZ ဝန်ထမ်းတစ်ဦးဦးမှ လူကြီးမင်းလျော်ကြေးတောင်းခံမည့် ကိစ္စရပ်များအတွက် ညွှန်ပြကူညီ ဆောင်ရွက်ပေးသွားမည်ဖြစ်ပါသည်။
IKBZ က လျော်ကြေးတောင်းခံရာတွင် အလျင်အမြန်ပေးလျော်နိုင်ရန်အတွက် အကူအညီများအား အသေအချာထောက်ပံ့ပေးသွားမည်ဖြစ်ပါသည်။

image2