စက်မှုလုပ်ငန်းအလုံးစုံ အန္တရာယ်အာမခံ

၁) ယခုပေါ်လစီအောက်တွင် မည်သည့်အရာများကို အာမခံထားနိုင်သလဲ?

    -   ဖော်ပြပါပေါ်လစီသည် အစားထိုးတန်ဖိုးအပေါ် အခြေခံ၍ အောက်ပါပိုင်ဆိုင်မှုများ အကျုံးဝင်ပါသည်။

•             အဆောက်အဦး (မြေတန်ဖိုးမပါဝင်ပါ)
•             စက်ရုံ၊ စက်ယန္တရား၊ စက်ပစ္စည်းများနှင့် ဆက်စပ်ပစ္စည်းများ
•             ပါဝင်ပစ္စည်းများ (ပရိဘောဂ၊ အဆောက်အဦးအတွင်း တပ်ဆင်ထားသော အသုံးအဆောင်များနှင့် အခြားပစ္စည်းများ)
•              ကုန်ပစ္စည်းများ (ကုန်ချော၊ ကုန်ကြမ်းနှင့် ထုတ်လုပ်ရေး ပစ္စည်းများ) ပါဝင်ပါသည်။

၂) အဓိက အကျုံးဝင်သော အကာအကွယ်တွေက ဘာတွေလဲ?

       • မီး၊ မိုးကြိုးပစ်ခြင်း၊ ပေါက်ကွဲမှု၊ လေယာဉ်ဖြင့် ထိခိုက်ပျက်စီးခြင်း၊ ခိုးယူမှု (အကြမ်းဖက်မှုနှင့် သို့မဟုတ် အတင်းအကြပ် ဝင်ရောက်မှုသာ)၊ လေပြင်းမုန်တိုင်း၊ ဟာရီကိန်း၊ ဆိုင်ကလုန်း၊ တိုင်ဖွန်း၊ ရေကြီးရေလျှံခြင်း၊ ငလျှင်လှုပ်ခြင်း စသဖြင့်…

၃) အဓိက အကျုံးမဝင်သော အကာအကွယ်တွေက ဘာတွေလဲ?

       • စစ်ပွဲနှင့် အကြမ်းဖက်မှုများကဲ့သို့ နိုင်ငံရေး အန္တရာယ်များနှင့် အကျိုးသက်ရောက်မှုများ

       • Sanction ကန့်သတ်ချက်များ

       • ပစ္စည်းများကို ပြုပြင်ခြင်း ကုန်ကျစရိတ်၊ မှားယွင်းသောလက်ရာ သို့မဟုတ် ဒီဇိုင်း

       • ရေဒီယိုသတ္တုကြွမှုကြောင့် ညစ်ညမ်းမှုဖြစ်ပေါ်ခြင်း၊ ဓာတုပစ္စည်း၊ ဇီဝပစ္စည်း၊ ဇီဝဓါတုပစ္စည်းများ နှင့် လျှပ်စစ်သံလိုက် လက်နက်များကြောင့် ပျက်စီးမှုများ

       • ဆိုက်ဘာလုံခြုံရေးနှင့် နည်းပညာပိုင်းဆိုင်ရာ ချို့ယွင်းမှုများ ဖြစ်ပေါ်ခြင်းကြောင့် ပျက်စီးမှုများ

       • Covid-19 ကဲ့သို့ ရောဂါကူးစက်မှုများကြောင့် ဆုံးရှုံးမှုများ

၄) အပိုအန္တရာယ် အကာအကွယ်တွေက ဘာတွေလဲ?

       • လုပ်ငန်းပြတ်တောက်ခြင်း- ပျက်စီးဆုံးရှုံးမှုအပိုင်း ၁ တွင် ဆက်စပ်သော (၁) လစာ (၂) စုစုပေါင်းအမြတ်ငွေ စသဖြင့်ကဲ့သို့ လုပ်ငန်းပိုင်ဆိုင်ရာ ဝင်ငွေဆုံးရုံးမှုများအတွက် ပြန်လည်အစားထိုးပေးခြင်း အကာအကွယ်။

၅) မည်သူတွေက အာမခံထားနိုင်သလဲ?

       • အခြေခံအားဖြင့် အဆောက်အဦးပိုင်ရှင်များ၊ လုပ်ငန်းပိုင်ရှင်များ အာမခံထားနိုင်ပါသည်။

၆) အာမခံသက်တမ်းက ဘယ်လောက်လဲ?

       • အခြေခံအားဖြင့် ၁နှစ် (ပေါ်လစီသက်တမ်းမကုန်မီ နှစ်စဉ်သက်တမ်းထပ်မံ တိုးနိုင်ပါသည်)

၇) ပရီမီယံကြေးက ဘယ်လောက်လဲ?

       • အန္တရာယ်ရှိနိုင်သော တည်နေရာ၊ လုပ်ငန်းသဘောသဘာဝ၊ လုံခြုံရေးစီမံခန့်ခွဲမှု၊ မီးငြှိမ်းသတ်ရေးစနစ် တည်ဆောက်ထားမှု စသည်တို့အပေါ်မူတည်ကာ ထည့်သွင်းစဉ်းစားမည် ဖြစ်ပါသည်။ 

       • ပရီမီယံသတ်မှတ်ချက်အရ  နှုန်းထားများသည် နေထိုင်မှုပုံစံ၊ ဆောက်လုပ်ရေးအမျိုးအစား၊ ပိုင်ဆိုင်မှု ပုံစံရေးဆွဲမှု၊ မီးဘေးကာကွယ်ရေး ပစ္စည်းများနှင့် လုံခြုံရေးအစီအမံများ၊ လွန်ခဲ့သော ၃နှစ်အတွင်း အသေးစိတ် လျော်ကြေးအတွေ့အကြုံများ၊ risk assessment report (ရှိပါက) နှင့် အာမခံတန်ဖိုး ခွဲခြားစိတ်ဖြာမှုတို့အပေါ် မူတည်ပါသည်။ 

၈) ပရီမီယံ ပေးချေရမည့် နည်းလမ်းတွေက ဘာတွေလဲ?

       • တစ်ကြိမ်ပေးချေစနစ်

၉) အာမခံဝယ်ယူရန် မည်သည့်အချက်အလက်တွေ လိုအပ်သလဲ?

       • အဆိုလွှာ

       • အန္တရာယ်၏ တည်နေရာ၊ နေထိုင်မှုနှင့် အဆောက်အဦးအမျိုးအစား

       • မီးဘေးကာကွယ်ရေး ပစ္စည်းများနှင့် လုံခြုံရေးအစီအမံများ

       • လွန်ခဲ့သော ၃နှစ်က အသေးစိတ် Claims အတွေ့အကြုံများ

       • Risk assessment report (ရှိပါက)

       • အဆောက်အဦးတည်နေရာပြပုံစံ

       • အာမခံတန်ဖိုးအသေးစိတ်စာရင်း